سیاسەتی تایبەتمەندی Qarzee
بەرواری کارپێکردن: 2026-09-26
ئەم سیاسەتە ڕوونی دەکاتەوە کە ئەپی Qarzee و ماڵپەڕی qarzee.com چ زانیارییەک کۆ دەکەنەوە، بۆچی بەکاری دەهێنن، لەگەڵ کێ هاوبەشی دەکەن، و تۆ چ مافێکت هەیە.
Qarzee لەلایەن Awa techەوە بەڕێوە دەبرێت، کە لە عێراق تۆمار کراوە، ناونیشان: هه‌ولێر، شه‌قامی 60م، ئه‌ڕبیل وه‌ن تاوه‌ر. لەم پەیجەدا «ئێمە» واتە ئەو کۆمپانیایە.
١. Qarzee چییە
Qarzee شوێنێکی هاوبەشە بۆ تۆمارکردن و بەدواداچوونی قەرز لە نێوان دوو کەس. Qarzee پارە ناگوازێتەوە و پارەی کەس هەڵناگرێت. تەنها تۆمار و بیرخستنەوەیە. هەموو قەرزێک و هەموو پارەدانەوەیەک پێویستی بە قبوڵکردنی لایەنی بەرامبەر هەیە.
٢. چ زانیارییەک کۆ دەکەینەوە
ا. زانیاری هەژمار
- ناو، ناوی بەکارهێنەر (username)، و وێنەی پڕۆفایل ئەگەر دایبنێیت.
- ئیمەیڵ و/یان ژمارەی مۆبایل.
- وشەی نهێنی، کە تەنها بە شێوەی شیفرەکراو (hash) هەڵدەگیرێت و هیچ کەسێک ناتوانێت بیخوێنێتەوە.
- ئەگەر بە Google بچیتە ژوورەوە: ناسنامەی هەژماری Google و ئیمەیڵەکەت. وشەی نهێنیی Googleت هەرگیز نابینین.
- زمان، ڕووکار (لایت/دارک)، دراوی بنەڕەتی، و ڕێکخستنەکانی ئاگادارکردنەوە و تایبەتمەندی.
ب. زانیاری قەرزەکان
- ئەو قەرزانەی تۆمار دەکەیت یان تێیاندا تاگ دەکرێیت: بڕ، دراو، بەروار، ناونیشان، تێبینی، خشتەی قیست، پارەدانەوەکان، داواکانی گۆڕین، و مێژووی هەموو ئەو کارانە.
- ئەو وێنانەی لەگەڵ قەرز یان پارەدانەوە دایدەنێیت. پێش هەڵگرتن، زانیاری شوێن (GPS) و هەموو زانیارییە شاراوەکانی وێنە دەسڕینەوە.
ج. هاوڕێکان
- لیستی هاوڕێکانت، داواکارییەکانی هاوڕێیەتی، و ئەو کەسانەی بلۆکت کردوون.
- کۆدێکی تایبەت بۆ QRی هەژمارەکەت، کە هەر کاتێک بتەوێت دەتوانیت نوێی بکەیتەوە.
د. زانیاری تەکنیکی
- تۆکنی ئاگادارکردنەوە (بۆ ناردنی Push)، جۆری مۆبایل (Android/iOS)، ناوی ئامێر، و وەشانی ئەپ.
- سێشنە چالاکەکانت و کاتی دوایین بەکارهێنانیان.
- ناونیشانی IP لە لۆگی سێرڤەردا، بۆ ئاسایش و ڕێگرتن لە خراپ بەکارهێنان.
- ڕاپۆرتی تێکچوونی ئەپ (Crash reports): جۆری مۆبایل، وەشانی سیستەم، و وردەکاری تەکنیکیی هەڵەکە. ناو، ژمارە، و بڕی پارە تێیدا نانێردرێن.
- کۆدەکانی پشتڕاستکردنەوە (OTP)، کە تەنها بە شێوەی شیفرەکراو و بۆ ماوەیەکی کورت هەڵدەگیرێن.
هـ. پلان و پەیوەندی
- زانیاری پلانەکەت: جۆری پلان، بەرواری دەستپێکردن و کۆتایی. ئەگەر پلانێکت لە دەرەوەی ئەپ کڕیبێت، ڕێگای پارەدان و ژمارەی سەرچاوەکەی تۆمار دەکەین. ژمارەی کارتی بانکی هەڵناگرین.
- ئەو نامانەی بۆ پشتگیریمان دەنێریت (ئیمەیڵ یان WhatsApp).
ئەوەی کۆی ناکەینەوە
- شوێنی جوگرافیت (Location).
- لیستی پەیوەندییەکانی مۆبایلەکەت (Contacts).
- ناسنامەی ڕیکلام. Qarzee هیچ ڕیکلامێکی تێدا نییە.
- کامێرا تەنها کاتێک بەکاردێت کە خۆت سکانی QR دەکەیت یان وێنە دەگریت.
٣. بۆچی ئەم زانیارییانە بەکاردێنین
- بۆ درووستکردن و پاراستنی هەژمارەکەت و چوونەژوورەوە.
- بۆ پیشاندانی قەرزەکان بە تۆ و بە لایەنی بەرامبەر، و حیسابکردنی باڵانس.
- بۆ ناردنی ئاگادارکردنەوە و بیرخستنەوەی بەرواری دانەوە، بەپێی ڕێکخستنەکانی خۆت.
- بۆ ناردنی کۆدی پشتڕاستکردنەوە بە ئیمەیڵ یان SMS.
- بۆ جێبەجێکردنی سنووری پلانەکان.
- بۆ ئاسایش: ڕێگرتن لە فێڵ، Spam، و چوونەژوورەوەی بێ ڕێگەپێدان.
- بۆ چاککردنی هەڵەکانی ئەپ و باشترکردنی.
- بۆ وەڵامدانەوەی داواکانی پشتگیری.
- بۆ جێبەجێکردنی ئەرکە یاساییەکانمان.
هەرگیز زانیارییەکانت نافرۆشین، و بۆ ڕیکلام بەکاریان ناهێنین.
٤. کێ زانیارییەکانت دەبینێت
لایەنی بەرامبەری قەرز
ئەمە بنچینەی Qarzeeیە: هەموو زانیارییەکی قەرزێکی هاوبەش (بڕ، بەروار، تێبینی، وێنە، پارەدانەوەکان، و مێژوو) بۆ هەردوو لایەنی ئەو قەرزە دیارە. هیچ کەسێکی تر نایبینێت.
یوزەرانی تر
- ناو، username، و وێنەی پڕۆفایلت بۆ ئەو کەسانە دیارە کە بە username دەتگەڕێن یان QRەکەت سکان دەکەن.
- بە ئیمەیڵ یان ژمارە مۆبایل تەنها کاتێک دەدۆزرێیتەوە کە کەسێک هەمان ئیمەیڵ یان ژمارە بە تەواوی بنووسێت، و خۆت ئەم هەڵبژاردەیەت چالاک کردبێت. دەتوانیت لە ڕێکخستنەکان بیکوژێنیتەوە.
- ئەگەر کەسێکت بلۆک کرد، ناتوانێت بتدۆزێتەوە.
دابینکەرانی خزمەتگوزاری
تەنها ئەو زانیارییە دەدەینە ئەم کۆمپانیایانە کە بۆ کارەکەیان پێویستە:
| دابینکەر | بۆ چی |
|---|---|
| دابینکەری سێرڤەر (Hosting) | هەڵگرتنی داتا و کارپێکردنی سێرڤەر |
| Google Firebase | ناردنی ئاگادارکردنەوەی Push، و ڕاپۆرتی تێکچوونی ئەپ |
| Google Sign-In | چوونەژوورەوە بە Google، ئەگەر بەکاری بهێنیت |
| Resend | ناردنی ئیمەیڵی کۆدی پشتڕاستکردنەوە |
| دابینکەری SMS | ناردنی کۆد بۆ ژمارەی مۆبایل، ئەگەر بەکاری بهێنیت |
یاسا
لەوانەیە زانیاری ئاشکرا بکەین ئەگەر یاسا یان بڕیارێکی دادگای یاسایی داوای بکات.
٥. شوێنی هەڵگرتنی داتا
لەوانەیە سێرڤەرەکانمان و دابینکەرانی خزمەتگوزارییەکانمان لە دەرەوەی عێراق بن، بۆ نموونە لە یەکێتیی ئەوروپا یان ئەمریکا. لە هەموو حاڵەتێکدا، هەمان پاراستن بەکاردێنین کە لەم سیاسەتەدا باس کراوە.
٦. ئاسایش
- هەموو پەیوەندییەک لە نێوان ئەپ و سێرڤەر بە HTTPS شیفرە دەکرێت.
- وشەی نهێنی و کۆدەکانی پشتڕاستکردنەوە بە شیفرەکراوی هەڵدەگیرێن.
- وێنەکان گشتی نین، و تەنها بە لینکێکی کاتی بۆ لایەنەکانی قەرزەکە دەکرێنەوە.
- دەتوانیت قفڵی ئەپ (PIN یان پەنجەمۆر) چالاک بکەیت، سێشنەکانت ببینیت، و لە هەموو ئامێرەکان بچیتە دەرەوە.
هیچ سیستەمێک ١٠٠٪ سەلامەت نییە، بەڵام هەوڵی بەردەوام دەدەین زانیارییەکانت بپارێزین.
٧. ماوەی هەڵگرتن و سڕینەوە
- زانیارییەکانت تا هەژمارەکەت چالاک بێت هەڵدەگیرێن.
- سڕینەوەی هەژمار: دەتوانیت لە ناو ئەپ (من ← سڕینەوەی هەژمار) یان لە qarzee.com/account/delete هەژمارەکەت بسڕیتەوە. دوای سڕینەوە:
- ناو، ئیمەیڵ، ژمارە مۆبایل، وێنەی پڕۆفایل، وشەی نهێنی، و بەستنەوەی Google دەسڕدرێنەوە.
- هەموو سێشن و تۆکنەکانی ئاگادارکردنەوە دەسڕدرێنەوە.
- قەرزە هاوبەشەکان بۆ لایەنی بەرامبەر دەمێننەوە، چونکە تۆماری ئەویشن، بەڵام ناوی تۆ بە «هەژماری سڕاوە» پیشان دەدرێت. وێنەکانی سەر قەرزە هاوبەشەکانیش وەک بەڵگەی هاوبەش دەمێننەوە.
- قەرزێکی سڕاو لە ناو ئەپ بە تەواوی لەناو ناچێت، بەڵکو وەک ئەرشیف و بە شێوەی «تەنها بینین» بۆ هەردوو لا دەمێنێتەوە.
- لۆگەکانی سێرڤەر و کۆپییە پاشەکەوتکراوەکان (Backup) تەنها بۆ ماوەیەکی سنووردار هەڵدەگیرێن و دواتر خۆکار دەسڕدرێنەوە.
٨. مافەکانی تۆ
- بینین و ڕاستکردنەوە: زۆربەی زانیارییەکانت لە ناو ئەپ دەبینیت و دەستکارییان دەکەیت.
- سڕینەوە: وەک لە بەشی ٧دا باس کرا.
- وەرگرتنی کۆپی: دەتوانیت بە ئیمەیڵ داوای کۆپییەک لە زانیارییەکانت بکەیت.
- کۆنترۆڵی ئاگادارکردنەوە: هەر جۆرێک لە ئاگادارکردنەوەکان دەتوانیت بکوژێنیتەوە.
- دۆزرانەوە: دەتوانیت دۆزرانەوە بە ئیمەیڵ یان ژمارە بکوژێنیتەوە، و QRەکەت نوێ بکەیتەوە.
بۆ هەر داوایەک: support@qarzee.com
٩. تەمەن
Qarzee بۆ کەسانی ١٨ ساڵ و سەرووترە. ئەگەر بزانین هەژمارێک هی کەسێکی خوار ١٨ ساڵە، دەیسڕینەوە.
١٠. گۆڕانکاری لەم سیاسەتەدا
ئەگەر گۆڕانکارییەکی گرنگ لەم سیاسەتەدا بکەین، لە ناو ئەپ ئاگادارت دەکەینەوە و بەرواری سەرەوەی پەیجەکە نوێ دەکەینەوە.
١١. پەیوەندی
Awa tech هه‌ولێر، شه‌قامی 60م، ئه‌ڕبیل وه‌ن تاوه‌ر ئیمەیڵ: support@qarzee.com ماڵپەڕ: qarzee.com/support